Зяленскі прыбыў з візітам у Турцыю

• 19.11.2025, 9:40

Запланаваныя перамовы з Эрдоганам і спецпрадстаўніком ЗША Стывам Уіткофам.

Прэзідэнт Украіны Уладзімір Зяленскі 19 лістапада прыбыў з рабочым візітам у Турцыю, у аэрапорце яго сустрэў, у прыватнасці, сакратар РНБА Рустэм Умераў.

Пра гэта паведаміў намеснік мэра Анкары Фарук Кейлюоглу.

Як бачна на відэа прыбыцця Зяленскага, украінскага прэзідэнта ў Анкары сустрэлі турэцкія чыноўнікі.

Таксама на кадрах ёсць сакратар РНБА Рустэм Умераў, які напярэдадні адправіўся ў камандзіроўку ў Турцыю.

Як вядома, сёння плануюцца перамовы Зяленскага з прэзідэнтам Турцыі Рэджэпам Таіпам Эрдоганам і спецпрадстаўніком ЗША Стывам Уіткофам.