Іспанія перадасць Украіне дэфіцытныя ракеты для сістэм СПА IRIS-T

• 18.11.2025, 21:28

Іспанія рыхтуе новы пакет дапамогі Украіне.

Іспанія ў межах новага пакета вайсковай дапамогі прадаставіць Украіне ракеты для батарэй IRIS-T. Такое ўзбраенне цяпер у дэфіцыце.

Як перадае РБК-Украіна, пра гэта на прэс-канферэнцыі з прэм’ер-міністрам Іспаніі Педрам Санчэсам заявіў прэзідэнт Украіны Уладзімір Зяленскі.

Кіраўнік украінскай дзяржавы падкрэсліў, што Украіна і Іспанія гатовыя да сумеснай вытворчасці высокадакладнай зброі.

Таксама, як адзначыў Зяленскі, ён удзячны Іспаніі за новы пакет абароннай дапамогі.

- Гэта ў тым ліку ракеты для СПА. Гэта вялікі дэфіцыт для нас. Узімку вялікі дэфіцыт. У гэтым выпадку канкрэтны пакет, 40 ракет для сістэм СПА IRIS-T, - сказаў прэзідэнт.

Паводле яго слоў, усяго ў межах новага пакета Украіна атрымае ўзбраенне на 300 млн еўра. Гэта істотная дапамога.