Сіноптыкі расказалі, ці чакаць снегападу ў Беларусі ў бліжэйшыя дні

• 18.11.2025, 21:21

Восень саступае месца зіме.

Адчувальнае пахаладанне і першы снег нагадалі беларусам пра набліжэнне зімы, а ці чакаць снегападу, БелТА паведамілі сіноптыкі.

Начальнік службы метэаралагічных прагнозаў Белгідрамета Марына Грыцкевіч растлумачыла, што 18 лістапада «тэрыторыя Беларусі апынулася ў халоднай тылавой частцы цыклона, які перамясціўся на еўрапейскую тэрыторыю Расіі».

Такім чынам, у Беларусь пачало паступаць халоднае паветра з паўночнага захаду Еўропы. У выніку тэмпература панізілася, прайшлі ападкі ў выглядзе дажджу і мокрага снегу. Марына Грыцкевіч сказала, што ў ноч на сераду, 19 лістапада, будзе без ападкаў, а ўдзень могуць прайсці нязначныя ападкі ў выглядзе мокрага снегу і дажджу. У Мінску чакаецца ад 1 да 3 ніжэй за нуль, а ўдзень 1-3 градусы цяпла.

Начальнік службы метэаралагічных прагнозаў Белгідрамета ўдакладніла, што ў бліжэйшы час моцнага снегу не чакаецца:

- Будуць ісці ападкі ў выглядзе дажджу, мокрага снегу - ад нязначных да ўмераных.