ЕС запэўніў, што ў беларусаў будзе шматразавы шэнген

• 18.11.2025, 15:49

Брусэль не збіраецца яго адменяць.

Еўрасаюз не плануе адмяняць шматразовыя шэнгенскія візы для беларусаў, як гэта было зроблена для расіян. Пра гэта карэспандэнтцы Deutsche Welle на брыфінгу ў Бруселі заявіў высокапастаўлены чыноўнік ЕС.

Паводле яго слоў, дыскусія пра тое, якія яшчэ абмежавальныя меры ўвесці ў дачыненні да Беларусі, ідзе пастаянна. Але «на цяперашні момант ніякія рашэнні па санкцыях або візавых абмежаваннях у дачыненні да беларусаў не рыхтуюцца».

7 лістапада Еўракамісія забараніла выдачу шматразовых шэнгенскіх віз грамадзянам РФ. З 10 лістапада расіянам выдаюць толькі візы для аднаразовага ўезду з кароткім тэрмінам дзеяння. Неабходнасць абмежаванняў патлумачылі агрэсіўнай вайной РФ ва Украіне і гібрыднымі дзеяннямі Расіі, якія пагражаюць бяспецы і грамадскаму парадку ЕС, адказалі ў МЗС Германіі на запыт Deutsche Welle.