Зяленскі абвясціў пра Стаўку і сустрэчу са «слугамі»

• 18.11.2025, 11:45

Рыхтуюцца хуткія і прынцыповыя рашэнні.

Прэзідэнт Украіны Уладзімір Зяленскі абвясціў пра правядзенне Стаўкі ўжо ў гэты чацвер, а таксама сустрэчу з кіраўніцтвам Вярхоўнай Рады і дэпутатамі фракцыі «Слуга народу».

Пра гэта паведамляе тэлеграм-канал кіраўніка дзяржавы.

«Чацвер — даручыў рыхтаваць Стаўку. Вядома, на гэтым тыдні будуць адпаведныя размовы з чыноўнікамі і сустрэча з кіраўніцтвам Вярхоўнай Рады і дэпутатамі фракцыі «Слуга народу», — заявіў Зяленскі.

Ён таксама адзначыў, што рыхтуе некалькі неабходных заканадаўчых ініцыятыў і прынцыповыя хуткія рашэнні, якія патрэбныя дзяржаве.