Гісторыя з падзеннем расійскага Су-30СМ атрымала працяг

• 18.11.2025, 21:15

На борце знаходзіўся ваенны злачынца.

Пры выкананні планавога вучэбна-трэніровачнага палёту 13 лістапада у Карэліі разбіўся знішчальнік Су-30СМ. Гісторыя з надзвычайным здарэннем з самалётам атрымала працяг.

Першапачаткова паведамлялася пра гібель двух пілотаў. Цяпер стала вядома, што адным з іх быў падпалкоўнік Кірыл Карцаў – вопытны ваенны лётчык, на рахунку якога больш за 500 баявых вылетаў, у тым ліку для абстрэлаў Украіны, піша «Дыялог».

«Падзенне баявога самалёта Масква называла “тэхнічнай няспраўнасцю”, але фактычна сітуацыя выглядае сумнеўна і падобная да заканамернага выніку сістэмных праблем з авіяцыяй. Су-30СМ — адна з галоўных машын расійскіх ВКС, а падобныя здарэнні сур’ёзна б’юць у тым ліку па рэпутацыі баявой авіяцыі РФ», — піша выданне.

Падпалкоўнік — надзвычай каштоўная фігура ў ваеннай авіяцыі як такая, і страта афіцэра такога ўзроўню для Расіі вельмі балючая, тым больш на фоне і без таго сур’ёзнага кадравага крызісу. Што менавіта стала прычынай крушэння, застаецца загадкай.