РФ масіравана атакавала дронамі Дніпро

• 18.11.2025, 9:43

Пашкоджаны вакзал, ёсць затрымкі цягнікоў.

Расіяне ў ноч на 18 лістапада масіравана атакавалі «Шахедамі» ўкраінскі горад Дніпро, у выніку чаго ёсць затрымкі цягнікоў, піша New Voice.

У выніку абстрэлаў РФ з затрымкай каля 2,5 гадзіны адправіліся пасажырскія цягнікі:

31 Запарожжа — Перамышль;

119 Дніпро — Хэлм.

У «Укрзалізніцы» ўдакладнілі, што пасажыры і брыгады гэтых цягнікоў, а таксама прыгараднага цягніка 6044 Пяціхаткі — Дніпро падчас атакі знаходзіліся ў сховішчы і не пацярпелі.

Ударнай хваляй выбіла некалькі вокнаў у вагонах і на вакзале. Рэгіён часткова абясточаны, таму чыгуначнікі прыцягнулі рэзервовыя цеплавозы.

«Затрымкі кантралюемыя, будзем скарачаць», — дадалі ў УЗ.

Кіраўнік Днепрапятроўскай ОГА Уладзіслаў Гайваненка заявіў, што ў выніку атакі ў Дніпры пацярпелі 59-гадовая жанчына і 67-гадовы мужчына, іх шпіталізавалі ў стане сярэдняй цяжкасці.