Польскі генерал заклікаў перадаць Украіне Tomahawk пасля дыверсіі на чыгунцы

• 17.11.2025, 22:41

Ракеты маглі б прымусіць Расію «адчуць цяжар вайны».

Польскі генерал, былы камандзір спецпадраздзялення GROM Раман Полько заклікаў перадаць Украіне ракеты Tomahawk пасля дыверсіі на чыгунцы. Яго словы цытуе RMF24.

Па словах Полько, пастаўкі Tomahawk маглі б прымусіць Расію «адчуць цяжар вайны».

«Мы не можам хаваць галаву ў пясок, а павінны дзейнічаць рашуча і эфектыўна», — падкрэсліў ён.

Генерал адзначыў неабходнасць умацавання салідарнасці ў межах Еўрапейскага саюза і НАТА і звярнуў увагу на Венгрыю і Славакію, прэм'ер-міністры якіх «добразычліва» ставяцца да Расіі.