Нямецкая паліцыя шукала НЛА на мяжы з Чэхіяй

• 17.11.2025, 22:23

Загадкавы аб’ект з гучным выбухам упаў з неба.

Магчымае падзенне невядомага лятальнага аб’екта выклікала хвалю спекуляцый у раёне Фогтланд у нямецкай зямлі Саксонія, што на мяжы з Германіяй.

Пра гэта паведамляе MDR.

У нядзелю ўвечары відавочца зняў відэа, як загадкавы аб’ект з гучным выбухам упаў з неба. Таксама было зроблена яшчэ некалькі фотаздымкаў гэтага аб’екта, пра што паведамілі мясцовай паліцыі.

Праваахоўнікі пачалі пошукі, але ў панядзелак іх спынілі. Прэс-сакратарка паліцыі Крысціна Фрыдрых сказала MDR, што «на дадзены момант няма сэнсу і мэтазгоднасці яшчэ больш пашыраць зону пошукаў».

Паводле яе слоў, іншыя службы не паведамлялі пра падзенне аб’екта; не было вядома ні пра пажары, ні пра знікненне або гібель людзей у выніку інцыдэнту.

У той жа час паліцыя Саксоніі лічыць, што відэа з НЛА з’яўляецца аўтэнтычным, таму цяпер правяраюць, ці не ідзе гаворка пра астранамічны аб’ект, які патрапіў з касмасу.