У цэнтр Брэста звозяць незвычайнае абсталяванне

• 17.11.2025, 18:46

Што адбываецца?

Улады Брэста, відаць, не разлічваюць на сапраўдную зіму з маразамі, таму ў цэнтр горада прывезлі спецыяльную ўстаноўку і, да яе ў дадатак, спецыяльную машыну. Паводле задумы, яны павінны забяспечыць «сапраўдны лёд» вакол галоўнай гарадской ёлкі, піша Telegraf.news.

«Прывезлі чілер — спецыяльную халадзільную ўстаноўку. Яна будзе падтрымліваць стан катка. Яго паверхню будуць чысціць спецыяльнай машынай. Адкрыццё катка запланавана на 1 снежня. Канькі можна будзе ўзяць у арэнду, а можна прыйсці са сваімі», — заявіла дырэктар КУП па аказанні паслуг «Гандлёвы сэрвіс і спажывецкі рынак».

Паведамляецца, што спецыялісты ўжо прыступілі да мантажу спецыяльнай халадзільнай устаноўкі. На ўсё ім адвялі 10 дзён. Каток памерам 28 на 28 метраў зальюць 4 тонамі хладагента і 60 тонамі вады.