У «Мінск-Міры» здаецца кватэра за $170

• 17.11.2025, 13:26

Але ёсць нюанс.

Кошт для лакацыі і новага дома здаецца амаль неверагодным, але ў аб'яве ёсць важная зноска: кватэра абсалютна без аддзелкі, піша onliner.by.

Ідзе гаворка пра тыповую «бетонную каробку»: голыя сцены, чарнавая сцяжка, ні сантэхнікі, ні кухні. Фактычна гэта прастора, дзе можна жыць толькі пры наяўнасці фантазіі і бясконцага аптымізму.

Тым не менш падобныя варыянты для Мінска ўжо даўно не выглядаюць нечым дзіўным. Рынак арэнды паказвае: попыт ёсць нават на такія «нулёвыя» кватэры. Год таму ўжо была гісторыя дзяўчыны, якая здала аналагічную бетонную кватэру — толькі з мінімальным наборам мэблі — за $270. Тады на прагляд выбудавалася чарга ахвотных.