У мінскім аэрапорце спынілі расіяніна з вялікай сумай грошай

• 17.11.2025, 11:14

Цяпер яму пагражае да пяці гадоў турмы.

Расіянін ляцеў з Мінска ў Банку і спрабаваў вывезці вялікую суму грошай. У Нацыянальным аэрапорце Мінск ён абраў зялёны калідор і тым самым заявіў, што яму не трэба нічога дэклараваць.

Супрацоўнікам мытні ён паведаміў, што мае пры сабе 500 тысяч расійскіх рублёў.

«Толькі пры далейшым ажыццяўленні дадатковых формаў мытнага кантролю ён прад'явіў наяўныя грашовыя сродкі ў памеры 56 тысяч долараў у эквіваленце. Пасажыр патлумачыў, што грошы зарабіў», — паведамілі ў прэс-службе Дзяржаўнага мытнага камітэта.

Узбуджана крымінальная справа па ч. 2 арт. 228 КК аб незаконным правозе грошай. Санкцыя артыкула прадугледжвае пакаранне ў выглядзе штрафу, або абмежавання волі на тэрмін ад 2 да 5 гадоў, або пазбаўлення волі на той жа тэрмін.