З’явіўся рэйтынг самых прыгожых жанчын паводле навукі

• 17.11.2025, 10:14

Усе ўдзельніцы даследавання набралі больш за 90% ад магчымых 100.

Лонданскі хірург Джуліян дэ Сілва з Цэнтра перадавой касметычнай і пластычнай хірургіі твару вызначыў, якія жанчыны найбольш набліжаныя да ідэальных прапорцый паводле залатога сячэння, паведамляе «Хайтэк».

Першая — Эмма Стоўн. Разлікі паказалі, што яе твар на 94,72% адпавядае класічным канонам гармоніі. Паводле слоў дэ Сілвы, у актрысы амаль ідэальная лінія падбародка — 97%, а форма вуснаў ацэньваецца ў 95,6%.

Другое месца заняла Зендая з вынікам 94,37%. Лекар адзначыў, што ў яе адны з найлепшых паказчыкаў па форме вуснаў (99,5%), вачэй (97,3%) і чала (98%).

У дзясятку таксама ўвайшлі Бейёнсэ, Марго Робі і іншыя актрысы і спявачкі, чые рысы твару апынуліся блізкімі да ўмоўнага ідэалу. Усе ўдзельніцы даследавання набралі больш за 90% ад магчымых 100.