Партугалія здабыла пуцёўку на ЧС-2026

• 16.11.2025, 20:02

Партугальцы без Раналду забілі ў вароты Арменіі дзевяць галоў.

Зборная Партугаліі здабыла пуцёўку на чэмпіянат свету 2026 года, разграміўшы ў матчы адборачнага турніру каманду Арменіі.

Матч у Порту завяршыўся з лікам 9:1.

Хет-трыкі аформілі Жуан Нэвеш (30-я, 41-я і 81-я хвіліны) і Бруну Фернандэш (45+3, 52 і 72-я — з пенальці), па адным голе на рахунку Рэнату Вэйгі (7), Гансалу Рамуша (28) і Франсішку Консэйсау (90+2).

Адзіны гол зборнай Арменіі — на рахунку капітана «Краснадара» Эдуарда Сперцяна (18).

Лідар партугальскай каманды Крыштыяну Раналду прапускаў сустрэчу — у папярэдняй гульні з ірландцамі 13 лістапада (0:2) атрымаў прамую чырвоную картку.

Партугальцы ў сёмы раз запар прабіліся ў фінальную частку чэмпіянату свету. Лепшым вынікам каманды была бронза ў 1966 годзе.