Расіяне «Маланкай» ўдарылі па дзіцячай пляцоўцы ў Харкаве
- 16.11.2025, 18:29
Абышлося без пацярпелых.
Расійская армія ўдзень нядзелі, 16 лістапада, дронам нанесла ўдар па адным з раёнаў Харкаўскай вобласці. Акупанты трапілі ў дзіцячую пляцоўку.
Пра гэта паведамляе Charter97.org са спасылкай на мэра Харкава Ігара Церахава і Харкаўскую ОГА.
Каля 13:48 Церахаў паведаміў пра ўдар варожым дронам тыпу «Маланка» па Халоднагарскім раёне горада.
Праз некалькі хвілін ён удакладніў, што расіяне ўдарылі па дзіцячай пляцоўцы.
«Пападанне прыйшлося на дзіцячую пляцоўку. У навакольных дамах выбіта некалькі вокнаў. На шчасце — без пацярпелых і загінулых», — удакладніў ён.