Прарасійскі блогер з ЗША папрасіў апісаць Пуціна адным словам: ЗСУ адказалі

• 16.11.2025, 17:01

Адказ Сухапутных войскаў Украіны стаў найбольш папулярным.

26‑гадовы блогер Джэксан Хінкл, вядомы сваімі антысеміцкімі і прарасійскімі поглядамі, мае ў сацсетцы X 3,6 млн падпісчыкаў.

У сваіх публікацыях ён часам просіць апісаць таго ці іншага дзеяча адным словам. Нядаўна ён папрасіў зрабіць гэта адносна прэзідэнта Расіі Уладзіміра Пуціна.

«Апішыце Пуціна адным словам», — папрасіў Хінкл.

Ён атрымаў 5 тысяч адказаў, большасць з іх — абразы.

Адказ, які даў акаўнт Сухапутных войскаў Украіны, сабраў больш за тысячу лайкаў.

Там было напісана — Target (мэта).