ЗСУ эфектна разграмілі калону бранятэхнікі РФ на Добрапольскім выступе

• 16.11.2025, 14:12

Туман не дапамог ворагу.

Легендарная 93-я брыгада ЗСУ «Халодны Яр» апублікавала кадры разгрому калоны бранятэхнікі расійскіх войскаў у раёне Русіна Яра, што на ўсход ад Добрапольскага выступу.

Наземныя дроны дапамаглі выявіць праціўніка ва ўмовах густога туману, што стала ключавым фактарам поспеху. Падрабязнасці і кадры былі апублікаваныя на старонцы брыгады ў Facebook.

Ваенныя адзначылі, што расійская прапаганда спрабавала выдаць разгром уласнай калоны за поспех. Шэраг Z-каналаў паведамілі пра паспяховы прарыў фронту каля Русіна Яра. Байцы «Халоднага Яра» разаблачылі хлусню, паказаўшы кадры знішчэння тэхнікі праціўніка.

Акупанты спадзяваліся, што ўмовы надвор'я, у прыватнасці густы туман, зробяць нашы дроны «сляпымі». Аднак, як падкрэслілі ў брыгадзе, найноўшыя наземныя робатызаваныя разведвальныя комплексы знаходзіліся ў тыле праціўніка ў момант штурму.

Яны зафіксавалі расійскія калоны, перадалі каардынаты, што дазволіла FPV-дронам эфектыўна паражаць тэхніку праціўніка.

«Нягледзячы на бесперапынны ціск ворага, байцы “Халоднага Яра” трымаюць пазіцыі. Усе падраздзяленні брыгады штодня выкладаюцца напоўніцу, і барацьба працягваецца. Далей — толькі больш!» — паведамілі ваенныя.