Лукашэнка патэлефанаваў Пуціну

• 15.11.2025, 21:02

Дыктатары гаварылі ў тым ліку пра БелАЭС.

15 лістапада Лукашэнка правёў тэлефонную размову з Пуціным. Пра гэта паведамляе прэс-служба дыктатара.

Лукашэнка і Пуцін, сярод іншага, абмеркавалі «развіццё двухбаковых адносін — у тым ліку новыя перспектыўныя праекты».

«Пытанне будаўніцтва новага энергаблока на Беларускай АЭС у Астраўцы. Пытанні абароны і бяспекі. Асобна спыніліся на сітуацыі, якая складваецца на мяжы «Саюзнай дзяржавы», — адзначае прэс-служба.

Як паведамляецца, Лукашэнка і Пуцін дамовіліся ў бліжэйшы час «больш падрабязна абмеркаваць пытанні і тэмы, якія ўяўляюць узаемную цікавасць».