У Мінску будуецца найвышэйшы хмарачос у Беларусі

• 15.11.2025, 20:50

Вышыня найвышэйшай вежы дасягне 180 метраў.

У Мінску будуецца найвышэйшы хмарачос у Беларусі. Ён стане цэнтральнай часткай бізнес-квартала «Мінск-Мір», які складаецца з пяці будынкаў.

Вышыня найвышэйшай вежы дасягне 180 метраў, яна будзе мець 42 паверхі; на кожным паверсе змогуць размясціцца да трох кампаній, паведаміў праўладны тэлеканал ОНТ.

У гэтым хмарачосе, як чакаецца, размесціцца першы ў Беларусі так званы Міжнародны фінансавы цэнтр.

Нягледзячы на маштабнасць, будаўніцтва вядзецца ў сціслыя тэрміны. Афіцыйны тэрмін завяршэння работ — канец 2027 года, але забудоўшчык плануе здаць аб’ект ужо напрыканцы 2026-га.