ЗСУ выключылі «Радыёстанцыю Суднага дня»

• 14.11.2025, 17:48

З дапамогай БПЛА.

Расійская ваенная радыёстанцыя УВБ-76, вядомая як «Радыёстанцыя Суднага дня» або «жужалка», прыпыніла працу з-за атакі украінскіх беспілотнікаў. Адзін з апаратаў ЗСУ трапіў у падстанцыю, якая забяспечвала перадатчык электрычнасцю.

«Трансляцыі часова не будзе. Праблема ў адключэнні электраэнергіі з-за ўдару БПЛА па падстанцыі», – піша Telegram-канал «УВБ-76 эфір».

Пры гэтым не ўдакладняецца, ці ідзе гаворка пра трансляцыю самой станцыі або Telegram-канала. Карыстальнікі адзначылі, што на частаце адсутнічае звыклае жужанне.