«У Пуціна застаўся год»

• 14.11.2025, 14:32

Дыпламат растлумачыў, чаму дыктатар хоча дыялогу з Трампам.

Крэмлёўскі дыктатар Уладзімір Пуцін не хоча нічога рабіць для мірных перамоў з Украінай, затое вельмі зацікаўлены ў працягу дыялогу непасрэдна з прэзідэнтам ЗША Дональдам Трампам.

Як расказаў у інтэрв'ю OBOZ.UA экс-міністр замежных спраў Украіны Уладзімір Агрызка, на гэта ёсць пэўныя прычыны. У прыватнасці Крэмль можа спадзявацца, што ЗША выратуюць краіну-агрэсара Расію ад краху.

Расійская эканоміка працягвае дэградаваць

Нягледзячы на тое, што Пуцін распавядае, нібы з эканомікай РФ усё добра, рэальная карціна ў краіне істотна адрозніваецца. Эканамічны сектар калапсуе да такой ступені, што дрэнна ўжо нават у ВПК.

«Няхай Пуцін распавядае, што расійская эканоміка цудоўная, але яна тармозіць. Апошнія афіцыйныя даныя паказваюць, што нават ваенная прамысловасць пачала паказваць нулі. У Пуціна была ідэя: запусціць ВПК, які пацягне ўсю астатнюю эканоміку, і праблем не будзе. Але гэтага ўжо няма, бо ваенная эканоміка таксама не расце. Калі 18 з 24 галін эканомікі паказваюць мінус, гэта азначае, што грамадзянскай эканомікі фактычна няма», - патлумачыў Агрызка.

Ацэнкі многіх экспертаў паказваюць, што 2026 год можа стаць апошнім, калі расійская эканоміка яшчэ будзе «рухацца». Пасля гэтага Расію чакаюць толькі несуцяшальныя перспектывы праз сур'ёзныя праблемы ў эканоміцы.

Гэта таксама адаб'ецца на здольнасці РФ працягваць агрэсію супраць Украіны. У Пуціна проста не будзе за што весці вайну.

«Таму няхай ён палохае сваіх грамадзян і свет, але рэаліі паказваюць іншае. Я думаю, наступны год для яго можа стаць, дай Бог, апошнім», - адзначыў эксперт.