У Расійскай Дзярждуме вызначылі этнічнае паходжанне Чабурашкі

• 14.11.2025, 12:34

Дэбаты трапілі на відэа.

У сеціве апублікаваны відэазапіс, на якім сябры камітэта па бюджэце і падатках Расійскай Дзярждумы вызначаюць этнічнае паходжанне папулярнага ў СССР мультыплікацыйнага героя Чабурашкі.

Як паведамляе Цензор.НЕТ, расійскія дэпутаты прыйшлі да высновы, што Чабурашка яўрэй, бо ў Савецкі Саюз ён прыбыў у кантэйнеры з апельсінамі, а адзінай краінай-пастаўшчыком гэтых цытрусавых у СССР быў Ізраіль.

Такія аргументы на карысць ізраільскага паходжання Чабурашкі прывёў старшыня камітэта па бюджэце і падатках Дзярждумы РФ Андрэй Макараў.