Для кіроўцаў у Беларусі рыхтуюць некалькі падатковых змен

• 14.11.2025, 9:32

Павышэнне збораў і не толькі.

У Беларусі ў 2026 годзе намерваюцца ўвесці некалькі падатковых змен, якія тычацца транспартнага падатку. «Зеркало» склала падборку такіх магчымых навінак.

Павышэнне збораў

Чыноўнікі намерваюцца павысіць стаўкі транспартнага падатку — як для фізічных асоб, так і для юрыдычных асоб.

Сума транспартнага падатку залежыць ад дазволенай максімальнай масы, умяшчальнасці і вызначаецца за адну адзінку транспартнага сродку.

Напрыклад, за аўтамабіль з дазволенай максімальнай масай да 1,5 тоны цяпер трэба плаціць 70 рублёў у год, а намерваюцца павысіць да 75 рублёў. Рост — на 7,1%. А за аўто ад 1,5 да 1,75 тоны — з 92 да 99 рублёў. Гэта на 7,6% больш, чым цяпер.

Падаўжэнне льготы

З электрамабіляў хочуць не спаганяць транспартны збор і за 2026 год. Падаткавікі раней тлумачылі, што пад гэты збор не падпадаюць транспартныя сродкі катэгорыі M1 або M1G, якія прыводзяцца ў рух выключна электрарухавіком.

Нагадаем, гэты падатак увялі з 2021 года. З электрамабіляў тады вырашылі не спаганяць яго да 31 снежня 2025 года. Гэта тычыцца як фізічных, так і юрыдычных асоб.

Змены для байкаў

Павышаны ў пяць разоў транспартны падатак хочуць увесці для фізічных асоб — уладальнікаў матацыклаў катэгорый L3, L4, L5 з рабочым аб'ёмам рухавіка ад 800 см³ уключна і больш. Ідзе пра мадэлі, з года выпуску якіх не мінула пяці гадоў.

Стандартную стаўку гэтага збору намерваюцца падняць з 46 да 49 рублёў. То-бок павышаны падатак у такім выпадку можа скласці 245 рублёў.