У Таліне адменілі канцэрт Limp Bizkit з-за падтрымкі Расіі фронтмэнам гурта

• 14.11.2025, 6:07

Фрэд Дзерст нават хацеў атрымаць расійскі пашпарт.

Канцэрт амерыканскага гурта Limp Bizkit, запланаваны ў Таліне на 31 мая 2026 года, быў адменены, паведаміў арганізатар Baltic Live Agency у сацсетках. МЗС Эстоніі раней назвала выступленне гурта ў краіне недапушчальным з-за падтрымкі Расіі фронтмэнам Фрэдам Дзерстам.

Міністэрства нагадала, што Дзерст станоўча выказваўся пра Расію і дыктатара Уладзіміра Пуціна пасля акупацыі Крыма ў 2014 годзе.

У 2015 годзе Фрэд Дзерст накіраваў у «адміністрацыю» Крыма паведамленне, дзе выказаў гатоўнасць праводзіць на паўвостраве столькі ж часу, колькі і ў ЗША, калі атрымае расійскае грамадзянства.

Limp Bizkit, адзін з ключавых калектываў на світанку ню-металу і рэп-року, быў заснаваны ў 1994 годзе ў Фларыдзе. У сталым складзе — Фрэд Дзерст, Уэс Борланд, Джон Ота і DJ Lethal. У 2025 годзе гурт адправіцца ў тур Gringo Papi па Паўднёвай Амерыцы і выступіць у Мексіцы ў лістападзе.