У Расіі разбіўся знішчальнік Су-30

• 13.11.2025, 20:45

Загінулі двое членаў экіпажа.

Падчас выканання планавога вучэбна-трэніровачнага палёту ў Карэліі разбіўся знішчальнік Су-30. Самалёт упаў у бязлюдным месцы, паведаміла прэс-служба Мінабароны Расіі.

«Палёт выконваўся без боекамплекту. Экіпаж самалёта загінуў», — заявілі ў ведамстве. Інцыдэнт адбыўся каля 19:00 па маскоўскім часе. Кабіна Су-30 разлічаная на двух членаў экіпажа.

Кіраўнік Карэліі Артур Парфенчыкаў паведаміў у сваім Telegram-канале, што самалёт пацярпеў катастрофу ў Прыанежскім раёне.

Паводле даных Telegram-канала Baza, знішчальнік упаў у лясным масіве, у раёне возера Лососінскае, непадалёк ад аэрадрома.