Былы баец «Вагнера» заяўіў, што Прыгожын жывы

• 13.11.2025, 20:35

Ён упэўнены ў гэтым на 100%.

Былы баец прыватнай вайсковай кампаніі «Вагнер» з пазыўным «Яга» выказаў меркаванне пра тое, што заснавальнік ПВК Яўген Прыгожын дакладна выжыў у авіякатастрофе ў 2023 годзе. Пра гэта піша прапагандысцкі партал «Царьград».

«На маю думку, Прыгожын 100% уцалеў і займаецца прадстаўленнем Расійскай Федэрацыі ў Афрыцы», — сказаў ён.

Пры гэтым ніякіх доказаў сваіх слоў вайсковец не агучыў.

Яўгена Прыгожына не стала 23 жніўня 2023 года, калі бізнес-джэт, у якім ён знаходзіўся, разбіўся пад Цвяр’ю.

Адзін з самых вядомых праектаў Прыгожына — прыватная вайсковая кампанія (ПВК) «Вагнер». Восенню 2022 года Прыгожын афіцыйна пацвердзіў, што з’яўляецца яе заснавальнікам.