Стала вядома, чаму самалёт «Белавія», які вылецеў у Баку, вярнуўся ў Мінск

• 13.11.2025, 17:23

Embraer-195 прабыў у небе ўсяго паўгадзіны.

Сёння раніцай з'явілася інфармацыя, што ўвечары 12 лістапада самалёт, які выконваў рэйс «Мінск — Баку», пасля ўзлёту вярнуўся ў аэрапорт. Цяпер стала вядома афіцыйная прычына таго, што адбылося, паведамляюць «Мінск-Навіны».

У Азербайджан павінен быў накіроўвацца пасажырскі самалёт Embraer-195 авіякампаніі «Белавія», аднак праз паўгадзіны пасля ўзлёту борт вярнуўся назад.

«Самалёт вылецеў з Мінска ў Баку а 23:17. Неўзабаве пасля ўзлёту была выяўлена тэхнічная няспраўнасць і, па рашэнні камандыра паветранага судна, самалёт вярнуўся ў базавы аэрапорт а 23:46», — расказалі ў авіякампаніі. — Пасля вяртання Embraer-195 аператыўна замянілі на «Боінг 737-300» — у выніку рэйс вылецеў у Азербайджан а 2:20. Пакуль праводзілася замена борта, пасажырам прапанавалі прахаладжальныя напоі».

У кампаніі «Белавія» прынеслі прабачэнні за сітуацыю, што склалася: супрацоўнікі зрабілі ўсё магчымае, каб мінімізаваць нязручнасці.