Знойдзены сляд бота зніклага Максіма Зеньковіча

• 13.11.2025, 15:20

Кола пошуку звужанае.

Валанцёры знайшлі сляд бота, які можа належаць 14‑гадоваму падлетку Максіму Зеньковічу, які знік у Бярэзінскім раёне.

Кола пошуку было звужанае. У радыусе паўтара кіламетра пешая група наткнулася на ровар, які сваякі непаўналетняга папярэдне апазналі як такі, што належыць дзіцяці, нагадвае «Мінская праўда».

Працягваецца адпрацоўка навакольнай тэрыторыі, у тым ліку з выкарыстаннем авіяцыі, з улікам балотзістай мясцовасці.

Максім знік у суботу, 8 лістапада, у вёсцы Карбоўскае, куды прыехаў з бацькамі на вялікія выходныя. Мама і дзядуля ў суботу паехалі на пошту, а калі вярнуліся, убачылі, што хлопчык знік разам з роварам, з'ехаўшы з вёскі. Сітуацыя ўскладняецца тым, што ў дзіцяці аўтызм: ён цяжка ідзе на кантакт і можа не рэагаваць на крыкі выратавальнікаў і валанцёраў.