У Беларусі захоўваецца актыўнасць кляшчоў

• 12.11.2025, 16:55

Спецыялісты фіксуюць новыя выпадкі укусаў, нягледзячы на пахаладанне.

Кляшчы і не думаюць упадаць у спячку. Дзе іх усё яшчэ можна сустрэць, расказалі у санэпідслужбе Мінскай вобласці.

Паводле слоў спецыялістаў, пахаладанне пакуль нязначна адбілася на актыўнасці членістаногіх.

Кроўсмокі актыўныя з сакавіка па лістапад, аднак першых кляшчоў у Беларусі ў 2025-м заўважылі яшчэ зімой.

У кастрычніку з-за прысмоктвання кляшчоў звярнуўся 31 чалавек, у тым ліку 11 дзяцей. Гэта на 65,9% ніжэй, чым у верасні, і на 59,7% менш у параўнанні з аналагічным перыядам 2024 года.

Найчасцей прысмоктванні адбываліся ў лясной зоне (67,7%), у сельскай мясцовасці і на дачах (29%). Адзін выпадак зафіксавалі ў іншым месцы.

Найбольш актыўнымі кляшчы застаюцца ў Мінскім і Слуцкім раёнах, а таксама ў Жодзіне.