Якой будзе зіма ў Беларусі?

• 12.11.2025, 12:15

Сіноптыкі спрачаюцца.

Пачатак зімы ў Беларусі будзе вызначаць палярны віхор у Паўночным паўшар’і планеты, піша Telegram-канал @nadvorie.

Ужо да канца лістапада 2025 года зіма зможа паўнапраўна ўступіць у свае правы.

Паводле дадзеных Severe Weather Europe, парушэнне цыркуляцыі палярнага віхра, пік якога прыйдзецца на 26 лістапада, дазволіць арктычнаму халоднаму паветру з палярных абласцей пранікаць ў умераныя шыроты.

Паколькі наш рэгіён (Беларусь і краіны Балтыі) уваходзіць у зону павышанай рызыкі, менавіта Усходняя Еўропа можа панесці «найбольшую шкоду» з-за капрызаў надвор’я.

«Дык вось, у пачатку зімы Беларусь і краіны Балтыі могуць атрымаць сур’ёзныя маразы і снег: існуе верагоднасць уварвання холаду і ўтварэння глыбокага снежнага покрыву, а пры слабым віхры і блакаванні антыцыклонам на поўначы холад можа замацавацца надоўга», — патлумачылі сіноптыкі.

З іншага боку, не ўсе спецыялісты па надвор’і падзяляюць падобныя прагнозы. Напрыклад, «народны сіноптык» Дзмітрый Рябоў у эфіры праграмы «Тварам да твару» на тэлеканале ОНТ выказаў сумневы ў тым, што наступная беларуская зіма будзе анамальнай, піша tochka.by.

«Зіма ў гэтым годзе ў нашай краіне будзе халадней за мінулагоднюю. І не дзіва — летась у нас у большасці выпадкаў была тэмпература «каля нуля». Шмат хто піша, што наступная зіма будзе самай халоднай за апошнія 20–30 гадоў, анамальна халоднай. Але я з гэтым не згодны», — заявіў сіноптык.

Ужо зусім хутка з’явяцца дакладныя прагнозы. Хаця беларусы напэўна не засмуткаюцца, калі зіма-2025/26 будзе снежнай — вельмі ўжо не хапала таго самага снегу летась.