Колькі ўкраінцаў у Беларусі

• 10.11.2025, 21:00

Неафіцыйныя даныя перавышаюць консульскія ў 30+ разоў.

Паводле неафіцыйнай інфармацыі ў Беларусі знаходзіцца больш за дзвесце тысяч грамадзян Украіны, аднак на консульскім уліку знаходзяцца каля 7000 чалавек. Пра гэта ў адказ на запыт LIGA.net паведамілі ў Міністэрстве замежных спраў.

Ведамства паведаміла, што цяпер на тэрыторыі Рэспублікі Беларусь, паводле неафіцыйных даных, знаходзіцца каля 215 000 грамадзян Украіны.

У той жа час у МЗС Украіны дадалі, што на консульскім уліку ў краіне знаходзяцца 6925 носьбітаў украінскага пашпарта (розніца з неафіцыйнымі лічбамі — больш як у 30 разоў. — Рэд.).

Таксама ведамства адзначыла, што, паводле даных Дзяржаўнага пагранічнага камітэта Беларусі, з 1 студзеня па 1 жніўня 2025-га ў краіну ўехалі 65 429 грамадзян Украіны (за ўвесь мінулы год гэтая лічба складала 134 561 чалавек).

У 2025 годзе гаворка ідзе пра такія шляхі ўезду ў РБ:

→ транзітам праз Польшчу ўехалі 52 543 украінскіх грамадзян;

→ праз Літву — 12 004;

→ праз Латвію — 847;

→ непасрэдна з тэрыторыі Украіны — 35.

Таксама з пачатку года і па 15 верасня за консульскія дзеянні пасольства ў Беларусі ў ўкраінскі бюджэт было накіравана $110 000, адзначылі ў МЗС Украіны.