«Кожнае паражэнне — гэта акт гераізму»

• 10.11.2025, 20:15

ЗСУ паказалі, як дронамі ліквідуюць расіян у Пакроўску.

Украінскія абаронцы працягваюць знішчаць расійскіх акупантаў у Пакроўску і ў ваколіцах горада. Байцы 155-й ОМБр паказалі кадры паражэння ворага FPV-дронамі.

Пра гэта паведамляе брыгада ў Telegram.

«Абсалютна кожнае паражэнне, якое вы тут бачыце, — гэта акт гераізму. Бо сітуацыя ў Пакроўску — сапраўды цяжкая, і працаваць у такіх умовах патрабуе вялікай смеласці і адданасці», — адзначылі абаронцы.

Байцы брыгады распавялі, што інтэнсіўнасць баявых дзеянняў на Пакроўскім напрамку значна ўзрасла. Яны працягваюць выяўляць і знішчаць расійскіх штурмавікоў.

«Працуем і ў самым горадзе, і на яго паўднёвых падступах. Гэта ўжо трэцяя частка паражэнняў з FPV за апошнія сем дзён», — гаворыцца ў паведамленні.

Акрамя таго, байцы 155-й ОМБр распавялі, што цяпер інтэнсіўнасць штурмаў на гэтым напрамку «вышэйшая, чым калі-небудзь». У той жа час яны дадалі, што пілоты брыгады цяпер «знішчаюць больш, чым калі-небудзь».