У беларускай жанчыны падчас рамонту прабег аўтамабіля павялічыўся на 1300 кіламетраў

• 10.11.2025, 15:17

Як так атрымалася?

37-гадовая мінчанка здала свой аўтамабіль у рамонт і не карысталася ім каля месяца. Аднак, калі вярнулася па машыну, убачыла на адометры лішнія 1300 кіламетраў. Дарэчы, рамонт так і не быў выкананы.

Як паведамляе міліцыя Мінска, 45-гадовага мужчыну, які мусіў адрамантаваць аўтамабіль, затрымалі. Ён прызнаўся, што неаднаразова выкарыстоўваў чужы транспартны сродак у асабістых мэтах.

Узбудзілі крымінальную справу.