Пуцін хоча здаць назад

• Іван Якавіна
• 10.11.2025, 20:44

Але Трампа ўжо не спыніць.

Пасля пуцінскага загаду правесці ядзерныя выпрабаванні на Новай Зямлі, у Маскве пачалося вельмі дзіўнае варушэнне. Розныя начальнікі і чыноўнікі (Пяскоў, напрыклад) кажуць, што наогул Пуцін загадваў толькі «разгледзець магчымасць» правядзення выпрабаванняў, а ці будуць іх праводзіць — залежыць ад ЗША. Маўляў, калі яны правядуць, тады і мы.

Лаўроў нават вылез з-за печы і сказаў, што «мы пакуль не разумеем, што там Трамп меў на ўвазе», калі гаварыў пра выпрабаванні ў ЗША.

У мяне ствараецца ўстойлівае ўражанне, што Пуцін хоча здаць назад усю гэтую гісторыю, якая відавочна выходзіць за камфортныя для яго рамкі.

Прычыны, наколькі я разумею, дзве:

Пуцін проста вельмі хоча жыць (плюс у яго маленькія дзеці, унукі...), таму сур'ёзна баіцца, што эскалацыя можа давесці сітуацыю да ядзернай вайны. У «рай», насуперак уласным заявам, ён зусім не збіраецца.

Як я казаў раней, ёсць ненулявая верагоднасць, што за час кіравання Пуціна, дэградацыі і распаду наогул усяго, савецкая ядзерная зброя таксама прыйшла ў непрыдатнасць. Таму нават правесці звычайныя ядзерныя выпрабаванні ў РФ не атрымаецца — для гэтага няма ні людзей, ні ведаў, ні тэхнікі.

Вось і спрабуюць цяпер пахлопаць Трампа па спіне і сказаць: «Братан, ну ты што, сур'ёзна? Ты пажартаваў — і мы пажартавалі! Мы нешта запусцілі, ты запусціў. Усе крутыя, у ўсіх усё ёсць. Давай ужо завязваць».

Але я думаю, што Трампа ўжо не спыніць. Яму трэба ўсім даказаць, што ён круцейшы за ўсіх. І таму ён ужо сам хоча пасмяяцца з таго, як людзі Белавусава самі сябе ўзарвуць на Новай Зямлі — калі, вядома, у іх наогул атрымаецца актываваць атамную бомбу.

Ну і амерыканскія вайскоўцы, відаць, раяць Трампу не згортаць гэтую гісторыю, а раскруціць дурняў у Крамлі на як мага больш наглядную дэманстрацыю ступені дэградацыі ядзернага арсеналу, які дастаўся Пуціну ад СССР.

Іван Якавіна, «Фэйсбук»