У сталічным «Мінск Мір» зноў здарыўся пажар

• 10.11.2025, 12:22

На будоўлі комплексу загарэўся ўцяпляльнік.

У сталічным мікрараёне «Мінск Мір» раніцай 10 лістапада ў будынку, што ўзводзіцца, адбыўся пажар, паведаміла адміністрацыя Кастрычніцкага раёна сталіцы.

Мясцовыя ўлады праінфармавалі, што пажар здарыўся «на будаўнічым аб’екце», і ім ужо займаюцца ратавальнікі. Пазней у МНС паведамілі, што ўзгаранне на праспекце Міра ліквідавана.

Высветлілася, што на восьмым паверсе дома, які будуецца, гарыў уцяпляльнік на балконе, на плошчы 10 кв. м.

Пацярпелых няма. Прычына здарэння высвятляецца.

Нагадаем, гэта не першае ўзгаранне ўцяпляльніка ў «Мінск Мір» за апошні час — 30 кастрычніка многія заўважылі густыя клубы чорнага дыму. На будоўлі на вуліцы Брацкай гарыў уцяпляльнік.