«Хартыя» цягам месяца знішчыла сто адзінак тэхнікі расіян

• 1.11.2025, 20:12

У корпусе ствараецца першы робатызаваны батальён «Лава».

Расійскія акупанты працягваюць несці вялікія страты ў вайне ва Украіне. У прыватнасці, 2-гі корпус Нацыянальнай гвардыі Украіны «Хартыя» за кастрычнік знішчыў больш за 600 адзінак жывой сілы расіян.

Як адзначае прэс-служба «Хартыі», на працягу кастрычніка падраздзяленні ў паласе адказнасці 2-га корпуса НГУ «Хартыя» абясшкодзілі 619 расійскіх акупантаў. Акрамя жывой сілы ворага, паражана вялікая колькасць расійскай вайсковай тэхнікі, у прыватнасці:

- 98 адзінак аўта- і мотатэхнікі;

- 7 адзінак бранятэхнікі;

- больш за 70 ударных і разведвальных дронаў;

- больш за 1000 FPV-дронаў;

- 22 адзінкі артылерыі ворага;

- 24 палявыя склады расійскіх акупантаў;

- 35 узлётных пляцовак і пунктаў кіравання варожых аператараў дронаў.

Таксама ў корпусе ствараецца новае падраздзяленне — першы робатызаваны батальён «Лава». У яго межах будуць прымяняцца найноўшыя тэхналогіі ў сферы паветраных і наземных беспілотных сістэм.