«Герасімаў транзітам хлусіць Пуціну»

• 1.11.2025, 19:37

Гэта грае на карысць Украіне.

У расійскай арміі дзейнічае вертыкаль страху, дзе праўда пра сітуацыю на фронце хаваецца ад вышэйшага кіраўніцтва. Начальнік Генштаба РФ Валерый Герасімаў атрымлівае і перадае Пуціну скажоную інфармацыю, што прыводзіць да памылак у планаванні баявых дзеянняў.

Пра гэта распавёў.

- Я не думаю, што Герасімаў непасрэдна сам хлусіць Пуціну. Я лічу, што сістэма хлусні выбудавана ад камандзіраў узводаў або аддзяленняў. Расіяне вельмі баяцца казаць праўду. У таталітарнай дзяржаве за дрэнныя навіны чалавек будзе несці адказнасць нават у тым выпадку, калі ён, умоўна кажучы, не вінаваты ў тым, што склалася нейкая пэўная сітуацыя, але калі ён дакладзіць праўду, то можа вельмі моцна пацярпець, — адзначыў ён.

Аналітык падкрэсліў, што начальнік Генштаба РФ Валерый Герасімаў транзітам хлусіць Пуціну. Ён атрымлівае недакладную інфармацыю ад сваіх падначаленых і перадае яе кіраўніку Крамля.

- Такая сітуацыя ўплывае на нас станоўча, бо, не валодаючы дакладнай інфармацыяй, Генеральны штаб РФ, калі плануе баявыя дзеянні, можа спланаваць іх няправільна. Дарэчы, калі прыязджаў галоўнакамандуючы ЗСУ Аляксандр Сырскі (ён часта прыязджае непасрэдна на лінію фронту), то ён прасіў камандзіраў, пачынаючы ад камандзіраў брыгад, карпусоў, нават камандзіраў батальёнаў, падаваць яму дакладную інфармацыю, якой бы непрыемнай яна ні была. Тады гэта дае магчымасць планаваць і неяк паспрабаваць правільна вырашыць сітуацыю, — распавёў Аляксей Гетман.

На расіян недакладная інфармацыя пра сітуацыю на фронце, якую дакладваюць Пуціну, аказвае негатыўны ўплыў.

- Пра гэта ўжо кажуць расійскія ваенкары — гэта чуюць і расійскія вайскоўцы, і гэта дакладна іх не матывуе. Яны разумеюць, што калі хлусяць, значыць, хаваюць праўду, значыць, праўда — дрэнная, — падсумаваў ваенны аналітык.