Узброеныя сілы Украіны палепшылі тактычнае становішча ў Пакроўску і рыхтуюцца да перарэзання лагістыкі арміі РФ

• 1.11.2025, 20:33

Украінскія сілы наносяць ворагу значныя страты.

Украінскім сілам удалося палепшыць тактычнае становішча ў Пакроўску. І на гэты момант яны павялічваюць колькасць сваіх штурмавых груп у горадзе.

Пра гэта паведамляецца ў Telegram 7-га корпуса Дэсантна-штурмавых войскаў Украіны.

Паведамляецца, што сітуацыя ў Пакроўску застаецца складанай і дынамічнай.

«У выніку паспяховых контрдзеянняў украінскія вайскоўцы здолелі палепшыць тактычнае становішча ў некалькіх кварталах горада», — адзначылі вайскоўцы.

Таксама байцы павялічваюць колькасць штурмавых груп у Пакроўску, выкарыстоўваючы «дыверсіфікаваныя спосабы» перамяшчэння асабовага складу.

Адначасова украінскія вайскоўцы працуюць над блакаваннем варожай лагістыкі з наступным яе перарэзаннем.

«Трымаем праціўніка пад агнявым кантролем, а колькасць ліквідаваных расіян у Пакроўску паступова расце. За апошні тыдзень у горадзе знішчылі 85 расіян», — гаворыцца ў паведамленні.