ЗСУ падрыхтавалі расіянам «сюрпрызы» ў Пакроўску

• 1.11.2025, 15:02

Акупанты хаваюцца і спадзяюцца толькі на адно.

Украінскія вайскоўцы рыхтуюць нечаканасці для ворага.

Цягам апошніх дзён на Пакроўскім напрамку не зафіксавана істотных змяненняў з боку арміі краіны-агрэсара Расіі. Затое украінскія сілы зладзілі «асобныя нечаканасці» для ворага.

Пра гэта ў эфіры «Кіеў24» расказаў афіцэр ЗСУ Сяргей Цэхоцкі. Ён паведаміў, у якім становішчы цяпер акупанты, якія праніклі ў горад, і прыадкрыў заслону адносна аперацыі ЗСУ.

Якія задачы выконваюць акупанты ў Пакроўску

Тыя расійскія вайскоўцы, якія праніклі ў Пакроўск у якасці ДРГ, у большасці проста хаваюцца, спадзеючыся на падмацаванне. Іх галоўнай задачай з'яўляецца захаванне жыццяў.

Менавіта таму некалькі сотняў акупантаў чакаюць падмогу, разумеючы, куды патрапілі. Яны таксама спрабуюць перадаваць інфармацыю асноўным сілам РФ.

Што задумалі украінскія вайскоўцы

Цэхоцкі асцярожна заявіў, што украінскія сілы працуюць над нарошчваннем вельмі актыўных мерапрыемстваў. Частка з іх ужо пачалася, а да іншых ідзе падрыхтоўка.

«Ніхто не збіраецца здаваць Пакроўск», — падкрэсліў вайсковец.