У Беларусі ўжо другі месяц зніжаюць важную дапамогу

• 1.11.2025, 14:43

Колькі можна атрымаць з 1 лістапада?

У Беларусі другі месяц запар скарачаюць суму дзяржаўнай дапамогі, на якую могуць разлічваць беларусы ў выпадку смерці блізкага сваяка. Калі ў мінулым месяцы дапамогу зменшылі на 9,7 рубля, то з 1 лістапада пачнуць плаціць яшчэ на 16,3 рубля менш, піша Telegraf.news.

Скарачэнне памеру дапамогі звязана з падзеннем намінальнай налічанай сярэдняй заработнай платы. Сума, якую сярэднестатыстычнаму беларусу налічваюць да ўтрымання ўсіх абавязковых падаткаў і выплат, паводле звестак Белстата, змяншаецца другі месяц запар. Суразмерна памяншаецца і дапамога на пахаванне — паводле закона яна роўная 100% намінальнай налічанай сярэдняй заработнай платы ў сярэднім па краіне за пазамінулы месяц адносна даты наступлення смерці.

Такім чынам, з 1 лістапада дапамогу на пахаванне будуць разлічваць, зыходзячы з сярэдняй заработнай платы беларусаў у верасні. Яна, паводле дадзеных Нацыянальнага статыстычнага камітэта, за месяц знізілася на –0,59% (на 16,3 рубля) і склала 2746,4 рубля. Менавіта на такую фінансавую дапамогу ад дзяржавы змогуць разлічваць беларусы ў выпадку смерці блізкага ў лістападзе 2025 года.

Адзначым, што кошт «сацыяльных пахаванняў» (пакет рытуальных паслуг «эканом-класа») у Гарадскім шматфункцыянальным рытуальным цэнтры Мінска застаўся нязменным.

Цэны на пахаванне і крэмацыю ў Дзяржаўнай рытуальнай службе Мінска таксама застаюцца нязменнымі які месяц запар, хоць і адрозніваюцца ў большы бок.