Партызаны праніклі ў месца дыслакацыі падраздзялення СПА паблізу Санкт-Пецярбурга

• 1.11.2025, 11:00

Крытычна важная інфармацыя ўжо перададзена Сілам абароны Украіны.

Агентурная сетка «АТЭШ» заявіла пра правядзенне разведвальнай аперацыі на тэрыторыі Ленінградскай вобласці Расіі.

Пра гэта паведамляе партызанскі рух «АТЭШ».

Паводле іх дадзеных, украінскія агенты здолелі пранікнуць у месца дыслакацыі 1488-га зенітнага ракетнага палка (вайсковая часць 03218) паблізу населенага пункта Рэшэтнікава.

Гэта падраздзяленне, як адзначаецца, з’яўляецца ключавым элементам супрацьпаветранай абароны, які прыкрывае Санкт-Пецярбург і стратэгічна важныя аб’екты Паўночна-Заходняга рэгіёна РФ.

У паведамленні «АТЭШ» гаворыцца, што агентура правяла падрабязную разведку пазіцый зенітна-ракетнага комплексу С-400 «Трыумф», каманднага пункта, радыёлакацыйных станцый, а таксама атрымала графікі баявога дзяжурства і маршруты патрулявання.

«Пранікненне ў часць, якая павінна была быць надзейна ахоўванай, даказвае, што для «АТЭШ» няма непрыступных аб’ектаў», — адзначылі прадстаўнікі руху.

Уся атрыманая інфармацыя пра сістэму СПА, якая прыкрывае крытычную інфраструктуру Расіі, ужо перададзена Сілам абароны Украіны для далейшага выкарыстання.