Невзораў: Кляймо «расіяніна» на лбе незмыўнае

• Аляксандр Невзораў
• 1.11.2025, 19:37

Навошта чарговы раз ганьбіцца?

Навошта сваім кіна-рылом расіяне лезуць у вялікую еўрапейскую класіку?

У Расіі хапае добрых мясцовых опусаў. Яны зроблены па тэхналогіі еўрапейскай літаратуры, але свабодныя ад сэнсаў, занадта складаных для расіян.

Навошта чарговы раз ганьбіцца?

Будучы Еўропе абсалютна чужымі, расіяне чамусьці ўпарта імітуюць прыналежнасць да яе. Гэта заўсёды выглядае фальшыва.

Занадта розныя светы і людзі.

Нават найлепшы расійскі акцёр, граючы еўрапейца, заўсёды будзе смешны, як паралітык на батуце.

Кляймо «расіяніна» на лбе незмыўнае.

Зараз кінематограф РФ забабахаў ажно «Алісу ў краіне цудаў».

Вядома, атрымалася сорамная бутафорыя.

Аднак яна наглядна паказала прорву між светам свабоды і тэрыторыяй рабоў.

Пацешна і тое, што аўтар «Алісы», спадар Кэрал, быў перакананым русафобам.

Калісьці, падарожнічаючы па Расіі, ён агідліва адзначыў наяўнасць пары «гарадоў-вітрын», зробленых расіянамі для абдурвання як саміх сябе, так і замежнікаў ( СПб і М-ва) і немыслімую ўбогасць усёй астатняй прасторы.

Асноўных насельнікаў краіны Кэрал характарызаваў

як «пакорлівых жывёл, прывыклых моўчкі і без пярэчання цярпець грубасць і несправядлівасць».

Аляксандр Невзораў, «Тэлеграм»