Хегсет пра ядзерныя выпрабаванні ЗША: Робяць вайну менш верагоднай

• 1.11.2025, 4:40

Пентагон працуе з Міністэрствам энергетыкі над ядзернымі выпрабаваннямі.

Кіраўнік Пентагона Піт Хегсет лічыць, што рашэнне ЗША аднавіць ядзерныя выпрабаванні зробіць ядзерны канфлікт менш верагодным.

Як перадае РБК-Украіна, пра гэта амерыканскі міністр абароны заявіў на прэс-канферэнцыі з генеральным сакратаром Асацыяцыі дзяржаў Паўднёва-Усходняй Азіі (АСЕАН) Као Кім Хоурнам.

Журналістка спытала, якія менавіта выпрабаванні Міністэрству абароны даручылі праводзіць і калі яны адбудуцца.

У адказ Хегсет расказаў, што Пентагон працуе з Міністэрствам энергетыкі над ядзернымі выпрабаваннямі.

Паводле яго слоў, прэзідэнт ЗША Дональд Трамп выразна даў зразумець, што ЗША неабходна мець надзейнае ядзернае стрымліванне. Ядзерная зброя — аснова сродкаў стрымлівання.

- Таму разуменне гэтага і аднаўленне выпрабаванняў — даволі адказная, вельмі адказная мера для дасягнення гэтай мэты. Я думаю, што гэта робіць ядзерны канфлікт менш верагодным, - дадаў кіраўнік Пентагона.