Армія Ізраіля вітае мірнае пагадненне, але рыхтуецца да «любога сцэнару»

• 9.10.2025, 8:48

Начальнік Генеральнага штаба даў даручэнне ўсім сілам на перадавой.

Армія абароны Ізраіля вітае падпісанне пагаднення аб вяртанні закладнікаў, але адначасова гатовая да любога развіцця падзей у Сектары Газы.

Пра гэта паведамляе тэлеграм-канал ЦАХАЛ.

«Падчас ацэнкі сітуацыі, праведзенай уначы, начальнік Генеральнага штаба даручыў усім сілам, як на перадавой, так і ў тыловых раёнах, падрыхтаваць магутную абарону і быць гатовымі да любога сцэнару», — гаворыцца ў заяве.

Таксама адзначаецца, што разгортванне сіл будзе ажыццяўляцца ў адпаведнасці з указаннямі палітычнага кіраўніцтва і этапамі пагаднення, з адказнасцю і акцэнтам на бяспеку салдат.

Акрамя таго, начальнік Генеральнага штаба даручыў падрыхтавацца да кіраўніцтва аперацыяй па вяртанні закладнікаў, якая, як чакаецца, «будзе праведзена з далікатнасцю і прафесіяналізмам».