У Мінску з малатка прадаюць ювелірны цэнтр

• 9.10.2025, 4:21

Названая стартавая цана.

У Мінску на аўкцыён выставілі ювелірны цэнтр «Мономах» кампаніі «Йонкер». Аб'ява апублікавана на сайце «БелЮрОбеспечения», перадае «Зеркало».

Плошча адміністрацыйна-гандлёвага памяшкання — 712,5 м². Яно размешчана на вуліцы Крапоткіна, 72−1.

Сярод абцяжаранняў указаныя заклад, іпатэка, дагавор арэнды, забарона на здзяйсненне рэгістрацыйных дзеянняў.

Стартавая цана аб'екта — 2,36 млн рублёў.

Уладальнікам і даўжніком пазначаная кампанія «Йонкер». Пры гэтым у гандлёвым рэестры, паводле дадзеных за верасень, крама ў тым жа будынку — па адрасе Крапоткіна, 72 — лічылася за фірмай «Белсервисдом». Ёй належыць таварны знак «Мономах».