«Інфляцыя знішчае нацыю»: каля будынка Банка Расіі адбыўся пратэст

• 8.10.2025, 21:42

Людзі выйшлі на акцыю супраць палітыкі Цэнтрабанка РФ.

Каля будынка Банка Расіі ў цэнтры Масквы затрымалі чацвярых членаў незарэгістраванай партыі «Іншая Расія Э.В. Лімонава», якія выйшлі на акцыю супраць палітыкі Цэнтрабанка РФ, паведамляюць 8 кастрычніка тэлеграм-каналы «Национальная правозащита» і «Осторожно, новости».

Актывісты раскіда лі «купюры» з надпісам «паперкі нічога не каштуюць» і скандавалі: «Зростаючая інфляцыя знішчае нацыю». Адзін з іх таксама прыкаваў сябе наручнікамі да агароджы.

Удзельнікі акцыі запатрабавалі ўвесці фіксаваныя цэны на тавары першай неабходнасці, спыніць рост цэн на бензін і перагледзець палітыку Цэнтрабанка, назваўшы яе «шкоднаснай».

Як піша «Национальная правозащита», у аддзяленне МУС па Мяшчанскім раёне даставілі чацвярых прадстаўнікоў «Іншай Расіі» — Ксенію Носараву, Георгія Галкіна, Віктара Кёльна і Грыгорыя Шакірава. «Астатнія падрабязнасці высвятляюцца», — гаворыцца ў паведамленні.