Сенат ЗША не здолеў спыніць шатдаўн

• 8.10.2025, 21:19

У шосты раз.

Амерыканскія сенатары ў шосты раз правалілі галасаванне за законапраект аб фактычным спыненні шатдаўну ўрада. Трансляцыю пасяджэння Сената ЗША вёў тэлеканал C-Span.

Адзначаецца, што дакумент пра працяг фінансавання ўрада падтрымалі 54 сенатары, а супраць яго прыняцця выказаліся 45. Для прыняцця законапраекта трэба 60 галасоў.

1 кастрычніка ў ЗША праца ўрада была прыпыненая, бо Сенат не ўзгадніў праект бюджэту. Прычына — разыходжанні паміж дэмакратамі і рэспубліканцамі наконт фінансавання аховы здароўя. Такім чынам, у Злучаных Штатах пачаўся шатдаўн — 22-і ў гісторыі краіны і 4-ы — пры прэзідэнце Дональдзе Трампе.