У Беларусі з’явіцца новы спартыўны канал

• 8.10.2025, 19:06

Ён пачне вяшчанне ўжо ў пятніцу.

ЗАТ «Сталічнае тэлебачанне» абвясціла пра запуск спецыялізаванага спартыўнага тэлеканала «Спорт ТВ».

Спартыўны кантэнт будзе выдзелены з эфіру СТВ у асобны канал, які засяродзіцца на трансляцыях вядучых міжнародных спаборніцтваў і знакавых падзей у беларускім спорце.

Старт вяшчання запланаваны на 10 кастрычніка — а 16:45 пачнецца трансляцыя адборачнага турніру чэмпіянату свету па футболе 2026 з удзелам зборных Казахстана і Ліхтэнштайна.

Канал будзе даступны праз кабельных аператараў па ўсёй краіне на 11-й кнопцы.