Чаму НАТА можа навучыцца ў Украіны

• 8.10.2025, 17:46

Вопыт Узброеных сіл Украіны кардынальна змяняе ўяўленні пра сучасную вайну.

За тры з паловай гады канфлікту ўкраінскае войска, якое саступае Расіі па колькасці і рэсурсах, выбудавала сістэму CEPA (пераклад — сайт Charter97.org).

Лабараторыі баявых дронаў сталі найважнейшым элементам гэтай сістэмы. У іх беспілотнікі рамантуюць, мадэрнізуюць і адаптуюць да патрэбаў фронту. Дзякуючы гэтаму цыкл абнаўлення тэхнікі скараціўся да трох–чатырох месяцаў, а эфектыўнасць баявых FPV-дронаў вырасла з 30% да 70%.

«Мы першымі бачым праблемы і знаходзім рашэнні. Галоўная мэта — забяспечыць баявую гатоўнасць», — тлумачыць кіраўнік адной з майстэрняў. Паводле слоў афіцэраў, блізкасць лабараторый да лініі фронту дазваляе хутка змяняць частоты, абыходзячы варожыя сістэмы радыёэлектроннай барацьбы.

Рэформы дэцэнтралізаваных закупак, упроваджаныя ва Украіне, таксама паскорылі працэс. Камандзіры могуць самастойна набываць дроны, сістэмы РЭБ і іншую тэхніку. Вытворцы адаптуюць распрацоўкі пад канкрэтныя баявыя запыты.

Палкоўнік Павел Паліца, адказны за праграму ў офісе прэзідэнта Украіны, адзначае, што цікавасць да ўкраінскага досведу ўжо праяўляюць сталіцы ЕС і НАТА.

Аднак тэхналагічную перавагу забяспечваюць не толькі машыны, але і людзі. «Тэхналогія — гэта інструмент сілы, але ўсё вырашае чалавек», — кажа маёр Вольга Мелешына з Камандавання сіл беспілотных сістэм.

Украінскі досвед можа стаць каштоўным урокам для НАТА, асабліва на фоне нарастаючых атак дронаў з боку Расіі ў рамках гібрыднай вайны супраць Еўропы. Сумесныя праграмы і абмен тактыкамі дапамогуць альянсу падрыхтавацца да будучых канфліктаў.