Беларускіх футбалістак не пусцілі ў Нідэрланды

• 8.10.2025, 12:06

Ім адмовілі ў візах.

Футбалісткі беларускай жаночай каманды «Мінск» не змаглі атрымаць візы ў Нідэрланды, у сувязі з чым запланаваны матч з камандай PSV перанеслі ў Албанію, паведамляе «Радыё Свабода» са спасылкай на прэс-службу нідэрландскай каманды.

Беларускі клуб піша толькі пра тое, што матч пройдзе на «нейтральным стадыёне» ў Тыране, аднак не ўдакладняе, чаму камандзе адмовілі ў візах.

Рашэнне аб пераносе матчу ў іншую краіну было прынята УЕФА ў адпаведнасці з рэгламентамі жаночага Кубка Еўропы.